Friday, March 13, 2009

دوام في يوم لا دوام فيه !

تلقيت إتصالا من صديق لي – يوم الثلاثاء – كان يحدثني عن دوام يوم غد أي الأربعاء ، فعادة في مثل هذه الأيام يغيب الطلاب – يسحبونها مع العطله

- يويسف شعندك ليش بداوم ؟
- انت شعندك بالبيت ؟ امش خلتقزر !
- اوكي بداوم عشانك :/

قررنا الدوام في يوم غد مع العلم أن كل الطلبة – تقريبًا – سيتغيبون ! .
استيقضت على مسامع المنبه ، لم يستيقظ أحد من إخوتي الكل قرر الغياب ، دخلت للمطبخ لأجد ذاك الطبق ، لألفه بالقصدير ، " لأونس " استاذ الفيزياء به ، لم يكن هناك أحد في المدرسه ! ، صعدت لقسم الفيزياء وأهديته الطبق ، " ما تنحرمش " ، فرح كثيرًا للاهداء البسيط – تسلم ايدج يمااا - ، الساعه السابعه والنصف ! ، لم يكن هناك أحد في المدرسة كلها سوى أنا وثلاثة من زملائي ! ، بعد مضي القليل من الوقت أصبحنا 8 طلبة في المدرسة كلها ، والكل من صفي ، الصف الثاني عشر علمي ، صعدنا إلى قسم الإسلامية ليسمع لنا ما كنا نحفظ " لنفتك " من كمية الحفظ ! .
ما الذي سنفعله الآن ! ليس هناك الا نحن الثمان ! ، ذهبنا إلى " عبدالله المنصور " لاعب العربي السابق والمدير المساعد للمدرسه ، استأذنتهم بالبقاء خارجًا ، حتى أكلمه بمفردي ، طلبت منه مفتاح غرفة " البلياردو " ، فأعطاني اياه ولم يرد لي طلبًا .





دخلنا للغرفه ، بالنسبه لي تركت اللعب لأن عيناي وقعت على " الجنجفة " التي تربطني معها علاقه وثيقه منذ الصغر :P
حتى بدخول الناظر ! ، قلت له " تعال اسويلك ماجيك " ، ما إن رد علي " يلا ورني " حتى صدم صدمة حياته ، وطلب مني تقديم عروض بحفل التخرج :p

لمشاهدة بقية " الماجيك " فيديو

التحويل ! = " فرفش " مع العيسوي

http://www.youtube.com/watch?v=vSrgUSIyp90

Flying Card !

http://www.youtube.com/watch?v=VzONojmEQ8s

ما هي إلا لحظات حتى بدأنا بلعبة " الشياب " ، لم أكن " نقوشي " فكانت الحصيله 5 وجميعهم تمت سرقتهم بيدي الخفيه :P


لم نشعر بمرور الوقت ،فالوقت الجميل يمضي بسرعه ، دخلنا للغرفة في تمام الساعه الثامنه والنصف ، ولم نخرج منها إلا على مسامع آذان الظهر .

مشاهده ممتعه : )

دمتم سالمين !

20 التعليقات:

Kuwait said...

لوووووووووووووووووووول
والله المدارس تطوروووا والا من متى يحطون لكم غرف جذي ونيسه :\
احنا على ايامنا غير صالـة الألعاب الي سقفها يخرع ماكو ;p
@@
انت ساحر ؟
اشلون تسوي جذي بالجنجفه ؟؟
البوست الياي حطلنا الطريقه بالتفصيل اوكييييييييييييييي

kandroz said...

لووووووووووول
اييي تطورااااااات
بيييييه شخباري ايام الابتدائية الي كنا نشوف السقف نخترع :/
الحين ناظرنا والوكيل مو مقصرين الله يعطيهم العافيه
في خدمة الطالب :P

--------------------

لست ساحرًا :P
ولكنني ممارس لفن الوهم منذ الصغر : )
لوووووووووول اصير فيها نحيس ماعلم احد :P
يقولج في قاعده
" أسرارك لا تفشيها لأحد "


حاظرين نشرح نشرح أمرنا لله :p
ترقبي البوستات القادمه ;-)


يعطيج العافيه على المرور : )

كبرياء وردة said...

وناااااااااااسة

اعترض ليش ما كان عندي جذي بالمدرسة :@

وناطرين البوستات عشان نتعلم :D

مركبنا said...

خوش شئ

وناسة
ما الومكم اذا داومتوا

بس عسى يقدمون مشروبات حاره (=

SHAHAD said...

والله وناااسه
أصلا أحلى شي إنك تداوملما الكل يغيب
أيااام الدراسة كنت أحب أداوم عشان أفتر بالمدرسة مع رفيجاتي ونطفر الأبلات لووول

أما سالفة الجنجفة .. علمني
خنتفلسف على طالباتي لووووووووول
خوش هدف مو لوووول

أحمد الحيدر said...

خوش خوش ..

حدها قزرت ها ؟


:))

الاجتماعية said...

تذكرت ذكريات الثانوية لما كنا نداوم والناس كلها غايبة .. صج أحلى أيام

ماشالله مدرستكم كشخة و فيها أشياء تونس (:

نترقب الطريقة .. بوست ممتع

princess adadi said...

انا سحبتها عليهم وغبت بعد
بس صج صج مدرستكم عجيبة حدها فيها جذي غرفة
لو مدرستي جذي فيها اداوم
والماجيك حده عجيب ويخرع بعد جنه صج سحر

ناطرين البوستات الياية
( حسافة كنت ناوية اصيد بدلية بس ما لقيت )

kandroz said...

كبرياء ورده

لوووووووووووووووول شفتي حكم الزمن :P
راحت عليييييكم
احنا ايامنا الحين كشخه :P
انشالله جريب نشرح ;-)
يعطيج العاااااااااافيه على هالتواصيل الرقيق :P

kandroz said...

مركبنا

مو بس خوش شي
الا كل شي زقرت
اوووه اهو من ناحيه وناسه وناسه !
الا مو وناسه الا قازره بعد :P
ايي والله خوش دوام كان !
لوووووووول عاد مو لهدرجه مدلعينا:P

شكرًا شكرًَا على التواصل

kandroz said...

SHAHAD

ايي والله ،، لعبتي هالسالفه اداوم بيوم كل الناس غياب
لوووووول انا احب اقعد بالفيزيا :P
لما اقعد بينهم احس صج اني " راجل علمي " على قولتهم :p
دنتا راجل علمي :>
جريب جريب
طلباتكم اوامر
انشالله بحط بوست اشرح فيه جم خدعه
وعاد انتي سوي حق الطالبات وخصوصا انج بالاذاعه سويهم بالطابور :p

شرفني تواجدج : )

kandroz said...

أحمد الحيدر

هلااااااااااااااااا عمي بوكوثر :p
اوووووووه اهو مو بس قزرت
انطر الحين بقولهم ناقصنا بولينغ ونفتح كوزمو ويكون الشغل ماشي :>

دائمًا هكذا أنت ,, مرورك غير ,, وسواليفك غير :>
تسلملي عمي

kandroz said...

الاجتماعيه
ايي والله هذي احلى الايام ، توني احس بطعم وحلاة المدرسه وشحلاتها
سنين مرت وانا عادي ،، الحين نفكر شلون راح نكون بعيد عن الربع والمدرسين اللي تعودنا نشوفهم كل يوم

الله يعطيه العافيه الناظر والوكيل " عبدالله المنصور " مو مقصرين معانا بشي : )
بييييييه كلكم ناويين على الماجيك :p
انشالله جريب جريب

شكرا للمرور والقراءه والمتابعه :>

kandroz said...

princess adadi


حراام عاد بالعكس وناسه الدوام بيوم ماكو احد يداوم
لووووووول ترا انا ماكنت ادري انه الغرفه جذي !
كنت ادري انهم مسوين خوش غرفه بس مادري انها جذي بهالروعه
قدمي اقتراح للاداره ووريهم الفيديو
خليسوون شي خوو
الوزاره تعطيهم ميزانية كل كورس حق شنو بالله ؟

لووووووووول ترا الماجيك غيض من فيض !
بس شدعوه يخرع
جريب جريب خوش خدع عيل

لووووووووول لااا انا قمت اسوي تدقيق لغوي لانه مو ناقص يصيدون بدلياتي مني بعد ما تسوى
يعطيج العااافيه على هالتواصل الدائم : )

ENG.Sara said...

عاد انا كنت بداوم بس كنت تعبانة حدي غبت من يوم الثلاثا :\
حدكم بدعتو :p
طلع هذا فن الوهم
انا كنت بعرف شنو اهوه توني افهم :D
يعطيك العافية حجي يوسف ^^

L!fe said...

حركات غرفة بلياردو
وتلفزيون وشغل عدل :)

الله يرحم ايامنا قاعدين بالساحه
ولا نفتر بين الصفوف ولا غرفة التقنيات اللي يكون فيها التلفزيون مقفوله وممنوع الاقتراب

MoRooJiA said...

وناسه مدرستكم كشخه غرفه بلياردو مو احنا كتنت استراحتنا مكسره :/
بس مشاء الله شلون سويت جذي بالجنجفه ؟

kandroz said...

ENG.SARA

سلامااات انشالله ,,
لووووووووووووووول صح النوم
صج توج تعرفينه ؟
:P
الله يعافييييييج حجيه :P

kandroz said...

L!fe

لوووووووووووووووووول
اهم شي مقفوله ومكتوب ممنوع الاقتراب :/
راحت عليكم خلااااااااااااااص
احنا عندنا بكل قسم الحين غرفة عروض
وبكل درس لازم بوربوينت :p
سوالفنا صارت زقرت الله يعطيهم اللعافيه ما قصرو والله

kandroz said...

MoRooJiA

ايي طبعا طبعا :P
دام وكيل مدرستنا عرباوي احنا بخيييير :>
ترا المدرسه يعطونهم ميزانية ، فلازم ايي يوم وتقدمون شكوى وين تودون هالبيزات
سوورلنا شي :/
الخبرة تلعب دور :p
جريب نقدم لكم الشي الجديد